綵虹上dè⑥⑨樓

 

如無意外...MSN SPACE從此退休

留空咗几日...今日(6号了)终于可以写啦~

首先....先写1月1日~~

1月1日~~梗係一年一度嘅元旦啦~~而且今年元旦放嘅係1号2号3号...(点解唔可以放30,31同1号呢...搞到人哋要补7日...)

其实佢点放都好似同我冇乜关系...本人于29号晚已抵达广州...于30号早已经走咗去钱柜俾人斩...汗啊~~同WJ肥青俾人斩咗3小时...

讲返1月1日先得...走咗题添...

1月1日...某黑猪终于放假啦...所以呢只黑猪好兴奋咁出现咗...

为咗我嘅期末考试....我哋去咗革新准备道具...去到之后竟然俾我发现咗个惊天大秘密....原来某黑猪係唔适合去革新噶...革新D铺都应该加块牌写住"小心碰头"先得.....因为我嘅小小失误...导致咗我哋无端端沿住条革新行咗好多次添...仲搞到我输赌输咗一盒龙须糖(食咗5粒啊....好痛苦...)终于...我哋揾到正途离开咗革新啦...之后就去咗上下九(路人:怎么又是这里.....)...放假时间嘅上下九真係恐怖...人山人海...一眼望唔到尽头(我啫...某猪话佢望得好清楚...)差D俾人夹扁咗...

而呢一日...我哋去上下九嘅目的係——传闻中嘅南信牛三星...某个牛牛天敌猪先生梗係叫咗个牛三星面啦...咁我就要咗个我平日好钟意叫嘅云吞面(南信自称驰名...)...云吞面味道好怪......都係宝华好D.......跟住...梗有叫双皮奶啦...味道麻麻.....某猪碗牛奶红豆沙好难食...唔係一般咁甜.....

食饱饱梗要散下步啦...因为好耐冇去越富...所以我就话要去~猪仔因此带住我好艰难咁冲出重重人墙逃出生天...行咗条唔知咩路去到咗人民南(?)路...跟住再行行行到咗越富...

不愧係放假嘅日子...竟然连越富都可以咁多人...汗啊|||||我哋将-1,1,2楼都兜过一次之后发现时间就到啦...今晚要同屋企人出去食饭...咁猪仔就送咗我翻去了...

顺便提下...晚黑去咗渔民新村...真係过节周围都咁多人...竟然要罗筹等位...100号....好在唔係等咗好耐啫...但係...D餸真唔係一般咁唔抵...不过过节出去食都係咁噶啦...难得一家人(表弟仲未翻)食餐饭就算咯....

 

 

1月3日

 

今日...我要翻学校啦...其实唔使咁早翻...我无聊啫...

晚黑6点2嘅车...

因为小黑猪1号晚黑话想再揾机会出一次街街...我哋就决定喺今日溜出去玩下...

我好艰辛咁编咗个理由等妈妈终于肯放我一个人出街了...跟住就同咗小黑猪去咗东山广场买我个出街理由嘅主角...

买完之后...因为得两小时出去...所以就唯有喺屋企附近行下~~于是...某黑猪就提议去M记...

既然去M记...我就想去隔离"屈银纸"睇下梳...想买把梳吹头嗰时用...点知发现..."屈银纸"不愧为"屈银纸"...D梳竟然全部都係沙宣嘅...那个贵啊........唯有放弃啦.....

去M记揾咗个靓位...买咗少少嘢...就开始玩手机啦(路人:果真无聊啊你们)...我之前喺学校好兴奋咁DOWN咗好多主题...所以我就开心咁一个个发落猪仔部机度睇...一直发啊发...发咗成个钟都未发晒...仲有30+个未睇(汗||||原来我DOWN咗咁鬼多....)...但係又一定要走啦...冇办法...唯有等下次了..........要翻屋屋了..........

嗯嗯...所以...各位乡亲父老叔伯兄弟....寒假见啦........估计我18或19号翻噶啦~~HOHOHOHOHOHO

12月24日~~平安夜啊~~~

虽然圣诞有猪因为要翻学校上课...但係我哋仲有平安夜!!!HOHOHOHOHOHOHO~

今日...因为我嘅再次迟到...小黑猪嘅小宇宙终于爆发啦...一路上默默默默...默默默默...唔理人又扮晒冇唔開心咁...

一直默默默默咁从中六开始行...行行行路过咗人民路M记...突然听到有人大声疾呼小黑猪嘅大名...回眸一望原来係小黑猪嗰位有缘无分嘅隔离位~~几次专登去撞都撞唔到...今日终于俾佢撞到了...两人好开心咁寒暄咗阵...仲喺度讲述咗下今日佢哋学校嘅校庆...搞到买雪糕D叔叔阿姨好郁闷...莫非佢位同学唔知翻工嗰时要乖D噶咩....

跟住...佢哋好开心咁叙旧完咗...我哋又继续行行行行......小黑猪份圣诞礼物好重啊....不过我份都好有分量.....大家都罗到死死下....

小黑猪同佢嗰位有缘无分嘅同学开心完之后又继续回复翻默默默默了...泪.......

一直默默默默...经过咗石室...因为一直都好想去石室睇睇...所以...就决定入去啦...

可能因为今日圣诞会做礼拜...石室门口两边列队坐咗好多乞衣...入咗去之后...发现...

原来石室入边仲靓过出边....好多人影紧相...入边真係有种唔係喺广州而係去咗外国嘅感觉啊~~~不过可惜当时只猪仲喺度默默默默....好郁闷....

跟住...我又开始后悔无带DC带咗部手机出嚟...决定下次一定要带DC嚟影!!!

后来...我哋继续想暂时嘅目的地——少年坊...

半路...小黑猪默默地讲咗句...下昼同你去完揾小WJ就送你翻去啦....跟住我话...哦...我自己去得啦...(下文懒得打...省略)

And then...我嘅小宇宙都终于爆发啦...决定唔理只猪了...跟住....只猪终于屈服啦!!!变咗低声下气嘅小黑猪....HOHOHOHO....但係小黑猪你整喊咗人哋喎....所以唔俾话我虾你...

跟住呢个默默默默嘅行程终于又变翻开开心心啦...所以我哋又决定继续直落夜街.......

跟住我哋去帮衬咗荔广个厕所...仲要落咗去买咗好多嘢...某猪好似大乡里入城咁拎到一袋二袋咁~HOHOHOHOHOHO.....之后我哋又去咗旧屋啊~

话咁快就到咗5点了...我哋走咗去东川嗰个好潮嘅墟揾开紧档小WJ....罗华农酸奶....

D华农酸奶味道确实唔错...嗯嗯...跟住喺潮墟转咗几圈就赶下场了...

飞飞飞飞咗去黄沙食酸菜鱼...好饱饱啊...食完就梗係到今日重头戏啦...

我哋行咗去白天鹅啦~~HOHOHOHOHOHO....

平安夜嘅白天鹅真係好靓啊~~原来平安夜嘅沙面係咁旺噶~~好好feel啊~~好幸福啊~~

HOHOHOHO...我又影咗好多相啦~~~

时间夜啦...准备翻屋企啦...猪仔听日一早仲要翻学...所以我哋就要走啦

猪仔送咗我翻屋屋就飘翻自己屋屋了...

嗯嗯...翻到去拆咗份礼物...原来係个电暖水袋~好温暖啊~HOHOHOHOHO

据闻我份礼物某黑猪拆咗半个钟...HOHOHOHO...偷笑ing

今日风和日丽阳光普照...我同小黑猪相约中广门前...去咗乜嘢?唔记得咗....(汗)

等到只猪出现(我到先噶)...我哋就去咗富一层行...睇下puma嘅袋...但係唔啱...

跟住就行咗去地王转咗两圈...终于等到开饭啦~~

今次我哋去嘅係一间个名好有骨气嘅"有骨气"...

话明叫有骨气嘅话就梗係食骨噶啦...我哋要咗个骨窝,一份好迷你嘅墨鱼滑,半打3蚊一只嘅虾饺(打煲用),一份鱼面,一只几抵食都几好食嘅芝士焗番薯...D骨就梗係只小黑猪全包啦...但係佢竟然食剩咗旧最大旧嘅...只猪好伤心噶.........

就係我哋食紧饭嗰时...突然有个好唔识做嘅电话打咗过嚟...阿某人嘅班长竟然通知话小黑猪中咗奖...奖品就係要2点翻到学校做份教学水平评估嘅唔知咩卷...但係小黑猪同学决定要唔理会呢件事...办唔知...亦都无视咗辅导员打嚟嘅电话...继续去街街...

我哋食饱饱之后就通知WJ同学(其实我都约咗佢噶...HOHOHOHOHO)...WJ同学此时此刻正在家中观看湖人嘅比赛...叫我慢慢去唔使急...咁我就唔客气啦...同小黑猪去咗荔广...行咗阵...跟住穿越重重障碍(例如撞人门口嘅人流)嚟到咗目的地——儿童公园....隔离嘅少年坊...

喺我哋行咗几圈基本了解地形之后...小WJ终于出现啦...因为睇波睇得太兴奋...搞到唔記得带华农出品嘅酸奶俾我...搞到要下星期去潮墟饮...

既然佢嚟到...我又侦察好咗地形就梗係即刻带咗佢去佢今期嘅目标——晶品便利店...WJ小朋友嘴喜爱D KIRAKIRA嘅嘢...所以一冲入间铺就变得好兴奋了...就喺入边拣咗成个钟水晶...嗯嗯...我都买咗条蓝虎眼俾我只宠物猪...阿宠物猪都好乖...喺间铺出边企咗成粒钟...搞到要喺度望天花板...好可怜啊...终于终于....小WJ满载而归了...又剩翻我同小黑猪....但係时间都唔早啦...咁唯有行出去搭车了...

但係....为咗一起嘅时间可以耐D...我哋一直行咗去黄沙总站搭6路...就咁...我哋嘅行程就喺6路总站结束咗了...

圣诞我一定会翻嚟噶...等我啊~~~~

宿舍换新颜~放礼炮~~~~~~~~

那天和大刘去拱北搜刮DI~